Screen Size
SA'S NR1 IDEAS PLATFORM FOR
DATE NIGHTS
BECAUSE WE STILL BELIEVE
IN LOVE

WENKE VIR GESONDE SEKS LEWE

April 02, 2018
/uploads/articles/0-WENKEVIRGESONDESEKSLEWE-2018-04-02.JPG

Jy is ʼn wat? Sjoe, dit moet interessant wees. Dit is opmerkings wat ek gereeld hoor. En ja, ek is mal oor my werk. Dit is positief, verrykend en baie bevredigend wanneer mense se verhoudings en lewe ten goede verander. In die byna 20 jaar wat ek in privaatpraktyk is, het ek ʼn top 10 lys van die beste sekswenke volgens my saamgestel. Vandag deel ek die eerste vyf. 

Bring die humor terug slaapkamer toe. Lag meer en hê meer pret. Vir baie paartjies is seks net té ernstig. Daar is verskeie vorme van gesonde seks soos rollespel, seks op interessante plekke of probeer af en toe met iets nuut eksperimenteer. As jy van die wasmasjien afval of die nuwe posisie laat jou derms knoop, lag lekker saam en probeer iets anders. So skep julle kosbare herinneringe. 

Sensualiteit en genot behoort die fokus te wees. Seks mag nooit seer wees of soos ʼn plig voel nie. Dit moet iets wees wat jy doen, wanneer jy dit wil doen, omdat dit lekker is en intimiteit en sensualiteit kweek. Dit is sielskommunikasie. 


Wees kreatief, veral in die maniere waarop jy seks inisieer. Ek kan dit nie genoeg beklemtoon dat dit belangrik is om seksuele spanning te behou nie. Roetine is jou sekslewe se grootste vyand. Seks (voorspel) is ʼn deurlopende proses. Nie die hand wat jy uitsteek wanneer julle vannaand moeg in die bed val nie. Maar leer ook om jou maat se ‘ek is nie nou in die bui nie’, met grasie te aanvaar en nie persoonlik op te neem nie. Dit is beter om dalk minder gereeld seks te hê maar beter kwaliteit seks te hê.

Die reis is belangriker as die eindbestemming. Die fokus is op deurlopende genot. Haal die druk af van orgasme bereik en meer nog van gesamentlike orgasme bereik. Stel orgasme so lank as moontlik uit. So gaan nuwe wêrelde van ontdekking oop en uiteindelik ja, sal die beloning groter wees. Belê aktief in julle sekslewe. Praat oor julle behoeftes en begeertes en oor die feit dat ‘n gesonde sekslewe ‘n gesonde verhouding verseker. Dit is die sement van ‘n reeds gesonde verhouding. Hou op skuldig voel. Raak ontslae van onnodige inhibisies. ʼn Weeklikse ‘date night’ is ononderhandelbaar. Doen moeite en skep tyd vir mekaar.

Belê in goeie smeermiddel en nuwe generasie seksuele hulpmiddels wat paartjies saam kan gebruik. Besoek gerus erkende seksuoloë se webtuistes. Die webwerf sal ook binne die volgende twee weke aktief wees, met die beste kwaliteit intieme en sensuele produkte beskikbaar, interessante wenke en meer inligting.



BROUGHT TO BY

TRAVELSTART Search and Book Cheap Flights

Cheap flights, incredible hotels and affordable car rentals. Travelstart is Africa’s leading online travel agency. Based in sunny Cape Town, they have offices across Africa and the Middle East where hundreds of Travelstarters are dedicated to rocking your travel world. They want their customers to spend less time planning their travels and more time on holiday. Their mission is to save you time, money and stress with their simple online booking platform. You can search, compare and book your travel all in one place. 

FULL DIRECTORY

Find the best accredited service providers.

AWARENESS WEEK

REGISTER
© 2018 DNI - All rights reserved.  |  Privacy Policy